Kachinnews.com လၢႆးငၢၼ်းၶၢဝ်ႇဝႆႉ မိူဝ်ႈ15.5.2012ၼၼ်ႉ တပ်ႉသိုၵ်း လူင်ပွင်ၸိုင်ႈမၢၼ်ႈ လႄႈ ၸုမ်းလွတ်ႈလႅဝ်း သဝ်းၶေႃ ၶၢင် KIA ပဵၼ်ပၢင်တိုၵ်းၵၼ် တီႈႁိမ်းဝဵင်း ၼမ်ႉသၼ်ႇ ၸႄႈဝဵင်းၵျွၵ်ႉမႄး ၶၢဝ်းႁိုင်မွၵ်ႈ1 ၸူဝ်ႈမူင်းပၢႆပၢႆ ၼႂ်းၵေႈပၢင်တိုၵ်းၼၼ်ႉ သိုၵ်းမၢၼ်ႈတၢႆ 4 ၵေႃႉ KIA လၢတ်ႈၼႄ။

ၽူႈၵေႃႉတႄႇ ၽုၵ်ႇၽင် ဝၢၼ်ႇၸိူဝ်ႉၽၼ်း လွင်ႈၵၢၼ်ႁဵတ်းၵၢၼ် လုၵ်ႉၽိုၼ်ႉ ဢဝ်ၶိုၼ်း ၸိုင်ႈတႆးၼၼ်ႉ ပဵၼ် ၸဝ်ႈၸေႃးယၼ်ႇတ ပဵၼ်ၶိူဝ်းၸဝ်ႈၶိူဝ်းၶုၼ် [ၶိူဝ်းမွမ်ႇ] ၼႂ်းႁေႃလူင် မိူင်းမၢဝ်းလူင် ၼၼ်ႉယဝ်ႉ မၼ်းၸဝ်ႈတႄႇ ဢွၼ်ဢဝ်ၵူၼ်း 31 ၵေႃႉ ၵွင်ႈ 7 လဝ်း သေမႃးၵေႃႇတင်ႈ ၸုမ်းၼုမ်ႇသိုၵ်းႁၢၼ် တိုၵ်းၼမ်ႉသတ်ႈၸႃႇ ၵၼ်တီႈ ႁူၺ်ႈသမၼ်း ၸမ်ႁူၺ်ႈၽႃလႅင် ၽင်ႇၶူင်း မိူဝ်ႈပီႊ 1958 လိူၼ်မေႇ 21 ဝၼ်းႁိုင်ၼၢၼ်းမႃးလႆႈ 54 ပီႊ ၶွပ်ႈထိုင်ဝၼ်းမိူဝ်ႈၼႆႉယူႇယဝ်ႉ။

မိူဝ်ႈ ဝၼ်းထီႉ (13.5.2012) ၼၼ်ႉ တီႈမူႇဝၢၼ်ႈ ၵွင်းမုင်ႈမိူင်း ( ၸုမ်းဢုပ်ႉပိူင်ႇ -606) ၶဝ်လႆႈၸတ်းႁဵတ်း ပၢင်လူင်း ပၢင်သွၼ် လိၵ်ႈတႆး ပွၵ်ႈၵမ်း (6) ၶၢဝ်းမႆႈ ၵႂႃႇတီႈႁူင်းႁဵၼ်း ၸိူဝ်ႉၸၢတ်ႈ ၸိုင်ႈတႆး မၢႆ (5) ယူႇ ။

ၽူႈၶဝ်ႈၸုမ်း ၸၢႆးၼေႃႇၶမ်း ဢၼ် ၸိုဝ်ႈသဵင်ယႂ်ႇလူင် တီႈၵဵဝ်ႇၶွင်ႈ တင်းယႃႈမဝ်းၵမ် ၼႂ်း သၢမ်ၸဵင်ႇၶမ်း ၶဝ် 25 ၵေႃႉ ၼႆႉ လႆႈဢဝ် ၵွင်ႈၵၢင်ႇသေ ၶဝ်ႈလႅၵ်ႈ လွင်ႈငမ်းယဵၼ် တီႈပၢင်သဝ်း တပ်ႉၸႄႈဝဵင်း တႃႈၶီႈလဵၵ်း သေယဝ်ႉ ပွတ်းၼႂ်မိူဝ်ႈၼႆႉ လႆႈၶၢဝ်ႇဝႃႈ ၸတ်းပၢင်ၵႅဝ်ႈသေ ႁဵတ်းၵၢၼ် ႁပ်ႉတွၼ်ႈ ၶဝ်ၼႆယူႇယဝ်ႉ။

ဝၢႆးသေ ၽူႈတၢင်တူဝ် လူင်ပွင်ၸိုင်ႈလႄႈ မုၵ်ႉၸုမ်းလွတ်ႈလႅဝ်း သဝ်းၶေႃၶၢင်ၶဝ် လႆႈႁူပ်ႉထူပ်း ဢုပ်ႇဢူဝ်းၵၼ် မိူဝ်ႈလိူၼ်မၢတ်ႉၶျ် ဝၼ်းထီႉ 10ၼၼ်ႉ ပဵၼ်ပွၵ်ႈၵမ်း လႃႈသေယဝ်ႉ တင်းသွင်ၽၢႆႇ ယင်းတိုၵ်ႉသိုပ်ႇ ပဵၼ်ပၢင်တိုၵ်း ၵၼ်ယူႇ တူဝ်ႈၵူႈတီႈ။